Miljøterapi

I miljøterapien er me gjennom ulike tilnærmingar opptekne av å fremja moglegheita til læring, meistring og personleg ansvar. Gjennom å byggja trygge relasjonar, ønskjer me å bidra til at pasientane våre i større grad kan få tillit til andre menneske.

Me er opptekne av traumesensitiv omsorg, då ein del av pasientane våre har erfaring med traume.

I miljøterapien er me også opptekne av å bidra til endringsarbeidet til pasientane i forhold til rusmiddelbruk, røykjevanar, døgnrytme, ernæring med meir.

Målsetjinga vår er, i tett samarbeid med pasientane, å sikra auka livskvalitet gjennom rusmeistring og betra psykisk og fysisk helse.