Radiologisk avdeling, Intervensjon

Radiologisk avdeling, Intervensjon heldt til i 1. etasje i Sentralblokka. På seksjonen vår utfører me primært ulike behandlingar (intervensjonar), men også noko biletediagnostikk. Røntgen, ultralyd og kontrastmiddel vert nytta som hjelpemiddel.

Les meir om Radiologisk avdeling, Intervensjon

Radiologisk avdeling, Intervensjon

Intervensjon er eit omgrep nytta for ulike behandlingar i menneskekroppen. Det dei har til felles er at operatøren ikkje kan sjå operasjonsfeltet direkte, ultralyd eller røntgen vert nytta som vegleiing. Det er ein skånsom, kateterbasert metode, der tilgong til det aktuelle området er gjennom eit tynt kateter/nål gjennom huda.

Denne metoden vert nytta til alt frå å stoppe blødningar ved coiling (hovud/mage), stentgraftinnlegging ved aneurismer i aorta (utposing på hovudpulsåra), til mindre inngrep som abscessdrenasjer, biopsi og innlegging av dren for avlastning av nyre- og gallesystemet.

Angiografi

Vi undersøker alle blodkar i kroppen med unntak av hjartet. Direkte omsett betyr angiografi "teikning av blodårer". Metoden er den mest nøyaktige for undersøking av blodårene i kroppen. Denne undersøkinga er også kateterbasert, og som regeler vert det tynne kateteret lagt inn i hovudpulsåra via lysken. Kontrastmiddel vert sett inn gjennom kateteret i det aktuelle området. Slik får ein framstilt blodårene, som elles ikkje ville vore synlege på røntgen. Programvara i røntgenapparatet gjer det mogeleg å fjerne all anatomi, slik at kun blodåresystemet er synleg.

I dag er pasientane som oftast utreia på førehand, og ei angiografiundersøking hjå oss endar ofte med behandling (intervensjon) som blokking, stenting eller coiling.

Kontaktinformasjon

Buss

Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.

På nettsidene til Skyss.no finn du bussruter med oversikt over stoppestader og tider

Line 5 og 6 har avgang frå Festplassen
Line 12 har avgang frå Bystasjonen
Line 16E har avgang frå Xhibition i Småstrandgaten

Busstoppa rundt Haukeland:

Ulriksdal for besøkande til Ulriksdal helsepark og Glasblokkene (line 5, 6, 16E)
Haukeland sjukehus Sør for besøkande til Glasblokkene, KK, Augebygget og Haukeland hotell (line 5, 6, 12 og 16E)
Haukeland sjukehus Nord for besøkande til Sentralblokka og andre bygg på Haukelandsområdet (line 5, 6, 12 og 16E)
Ibsensgate - arbeidsruter

Bybane

Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset.

Sjå rutetabellar og oversikt over stoppestader på Skyss.no

Flybuss

Sjekk nettsida til Flybussen for meir informasjon om ruter og prisar

Parkering Haukeland

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

Av omsyn til dei som må bruke bil, oppmoder vi derfor dei som kan, til å bruke offentleg transport. Det er også mogleg å parkere på Bystasjonen og ta buss/bane det siste stykket opp til Haukeland.

For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

Les meir om parkering på Haukelandsområdet

Taxi

I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Praktisk informasjon

Besøk på sjukehuset

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

Les meir om besøkstider og -reglar på sjukehuset

Frivilligteneste

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla.

Dei frivillige kan vise veg, vente saman med pasientar, bli med på luftetur i parken eller nærområde - og mykje meir.

Meir informasjon på helse-bergen.no/frivillig

Kontaktinformasjon:

E-post: frivillig@helse-bergen.no
Mobiltelefon: 902 67 193

Resepsjon

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum.

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.

Trådlaust internett

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.

Trøbbel med å kople til trådlaust internett?

Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.

Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. Les meir om kva du kan gjere her

Angiografi og intervensjon	https://helse-bergen.no/behandlinger/angiografi-og-intervensjon	Angiografi og intervensjon	A
Drenasje - abscess, galleblære og PTD	https://helse-bergen.no/behandlinger/drenasje-abscess-galleblere-og-ptd	Drenasje - abscess, galleblære og PTD	D
Pyelostomi	https://helse-bergen.no/behandlinger/pyelostomi	Pyelostomi	P

Fann du det du leita etter?