INTROMAT

​I løpet av livet vil 20-25% av befolkninga oppleve angst og/eller depresjon. Blant unge opplever 8% dette. I prosjektet INTROMAT vil vi gjennom forsking og innovasjon integrere psykologi og IKT, for å skape eit betre helsetilbod til pasientar med psykiske lidingar.

INTROMAT skal betre folkehelsa ved å utvikle persontilpassa teknologibasert psykologisk behandling for menneske i og utanfor helsetenesta. Dette oppnår vi gjennom samarbeid mellom IT-forskarar, IT-industri, helsesektoren, helseforskarar og brukarane. Prosjektet bidrar til utvikling av IT-industri relevant for helsesektoren. I INTROMAT jobbar fagmiljøa innan IKT og helse saman for å utvikle digitale helsetilbod til unge og eldre.

INTROMAT består av fem delprosjekt:

1. Tilbakefallsførebygging ved bipolar liding
2. Kognitiv og emosjonell kontroll: Trenings- og støttetiltak for vaksne med ADHD
3. Jobbfokusert behandling ved depresjon hos vaksne
4. Tidleg intervensjon og behandling ved sosial angst
5. Psykososial støtte for kvinner etter gynekologisk kreft

All utvikling i INTROMAT-prosjektet startar med prototyping og held fram med kliniske testar. Deretter følgjer implementering og /eller kommersialisering.

INTROMAT blei i 2016 tildelt 48 millionar kronar frå Norges forskningsråd (NFR) for perioden 2016-2020, som eitt av tre IKT-fyrtårn-prosjekt i Noreg innan helse-, omsorgs- og velferdssektoren.

Les meir på www.intromat.no