Traineeprogram for helsefagarbeidarar

Haukeland universitetssjukehus vil gjennom traineeordninga gje deg som helsefagarbeidar god breiddekompetanse og strukturert opplæring i kliniske oppgåver. Den varierte arbeidserfaringa gir deg unik kunnskap innan fleire fagfelt, og eit solid fundament for å bli ein dyktig helsefagarbeidar i spesialisthelsetenesta.

Som traineehelsefagarbeidar blir du tilsett i 100% fast stilling i Helse Bergen og deltar på traineeprogrammet som strekk seg over to år. 2022 var det første året med eit traineeprogram for helsefagarbeidarar.

I traineeprogrammet skal du følgje eit fagleg program. Du vil få fellesopplæring og kurs når du startar, og fleire fagdagar og rettleiing undervegs i programmet. Fagdagane gjer deg mellom anna teoretisk og praktisk opplæring i ulike prosedyrar.

Traineeprogrammet er delt inn i tre arbeidsperiodar, kvar på 8 månader. Målet er at du skal få arbeidserfaring ved tre ulike fagområde. Etter at programmet er ferdig, har du framleis 100% fast stilling i Helse Bergen, og saman med deg finn vi kva for ei avdeling du skal tilhøyre. Det kan vere ei av dei du allereie har vore på, Bemanningssenteret eller ei anna avdeling.

Korleis verkar det i praksis?

Som traineehelsefagarbeidar vil du følge den ordinære opplæringa ved avdelinga du arbeider på, og få same oppfølging som blir gitt til nytilsette helsefagarbeidarar ved denne avdelinga. Traineestillingane går inn i den daglege drifta ved avdelinga og i deira arbeidsplanar. Vanlegvis vil det seie 3-delt turnus (vakter: dag, kveld og natt) samt helg- og høgtidsarbeid.

Her kan du sjå ein video om traineeprogrammet for sjukepleiarar - mykje vil vere likt for helsefagarbeidarane:

Korleis søke stilling?

Følg med for nye moglegheiter!

Du må lese utlysinga godt, og hugse å legge ved all dokumentasjon som er krav.

Vi ser etter deg som:

Har fagbrev og norsk autorisasjon som helsefagarbeidar ved oppstart
Gjerne har fått fagbrev nyleg
Er opptatt av både teoretisk kunnskap og praktisk kompetanse
Likar utfordringar
Er fleksibel og tilpassingsdyktig
Er positiv og stolt av helsearbeidarfaget
Har engasjement for pasient- og pårørandearbeid
Er lærevillig, strukturert og opptatt av å fullføre oppgåver
Ønsker breiddekunnskap og variert arbeidserfaring
Er motivert for å arbeide i sjukehus
Har gode kommunikasjonsevner
Toler godt uforutsigbarhet og endringar
Trivst både med å arbeide sjølvstendig og saman med andre

Kva kan vi tilby deg?

Full, fast stilling - også etter traineeperioden på 2 år
Faglege utfordringar som gjev deg breiddekompetanse
Opplæringsprogram gjennom traineeperioden
Deltaking i rettleiingsgruppe
Lønn og vilkår etter gjeldande overeinskomst

Kontaktperson:

Mari Pedersen

Seksjonsleiar Trainee

Telefon: 93 87 83 52 / 55 97 69 00

E-post: mari.pedersen@helse-bergen.no