Europeisk samarbeidsmøte i Bergen
PREVENTABLE-prosjektet vart oppretta for å vurdere den kliniske, sosiale og økonomiske verknaden av å bruke tverrfagleg og spesialisert omsorg for å førebyggje alvorleg sjukdom i familiar som har sjeldne svulstsyndrom (RTRS).
PREVENTABLE er eit forskings- og innovasjonsprosjekt (RIA) finansiert av European Health and Digital Executive Agency (HaDEA).
Prosjektet har fleire EU- og to ikkje-EU-partnarar, inkludert ni sjukehus knytta til det europeiske referansenettverket for genetiske tumorrisikosyndrom, ERN GENTURIS) frå Portugal, Spania, Frankrike, Nederland, Noreg og Tyskland. Konsortiet består og av ekspertar innan helseøkonomi og åtferdsvitskap, tverrfagleg innovasjon og organisasjonsnettverk.
Den 27. og 28. mars tar RKAK imot nær 50 samarbeidspartnarar frå prosjektet til eit konsortiemøte i Bergen. Tidlegare har det vore liknande møter i Porto (Portugal), Girona (Spania) og Rouen (Frankrike). No er det Bergen sin tur til å vere vertskap.
Som ein del av prosjektet skal det i samband med konsortiemøtet også gjennomførast strukturerte fokusgruppeintervju av helsepersonell som har spesiell kunnskap om arveleg melanom, av pasientar med påvist genfeil som aukar risikoen for arveleg melanom, samt deira støttepersonar.
Vil du lese meir om PREVENTABLE prosjektet, sjå prosjektet sin engelske nettside.