Regionalt kompetansesenter for arveleg kreft (RKAK)

Regionalt kompetansesenter for arveleg kreft i Helse Vest (RKAK) har som overordna målsetting at pasientar og familiar med arveleg kreft i regionen skal ha eit kunnskapsbasert og kvalitetssikra tilbod om genetisk rettleiing, utgreiing, diagnostikk og nødvendig oppfølging.  

RKAK er det einaste regionale kompetansesenteret innan arveleg kreft i landet og er organisert som ein seksjon ved Avdeling for medisinsk genetikk og molekylærmedisin, Haukeland universitetssjukehus.  

Vårt ansvarsområde er helseregion Vest, som omfattar fylka Vestland og Rogaland. Poliklinisk verksemd skjer i nært samarbeid med Seksjon for klinisk genetikk ved Avdeling for medisinsk genetikk.  

RKAK driv med forsking som er nært knytet til forbetring av helsetilbodet innanfor arveleg kreft, og vi har eit tett samarbeid med andre sentrale fagmiljø både i Noreg og internasjonalt.  

I tillegg driv vi med informasjonsverksemd gjennom kurs og undervisning for både helsepersonell og pasientar.  

Genetiske rettleiarar, legar, molekylærbiologar, sjukepleiar, psykolog og helsesekretærar har sin arbeidsplass på RKAK. 

Årsrapport 2024 - Regionalt kompetansesenter for arveleg kreft