Prøvebehandling

Serum og plasma skal som hovudregel* separerast frå blodcellene innan to timar etter prøvetaking.  
*Nokre komponentar krev spesialbehandling. For meir informasjon sjå Analyseoversikten.no​ for enkeltkomponentar

Serum

1. Prøvetakingsrøyra skal stå og koagulere. Vanleg koagulasjonstid er 30-60 minutt, men nokre komponentar krev spesialbehandling. Sjå Analyseoversikten.no
2. Sentrifugering: Følg anbefalingar og retningslinjer frå røyrprodusent og laboratorium for riktig sentrifugeinnstilling. Sjå også informasjon om sentrifugefart.
3. Etter sentrifugering:
   • Serumrøyr med gel: Hugs å kontrollere at silikongelen legg seg som ein barriere mellom blodlekamane og serum. Prøvetakingsrøyret sendast til laboratoriet. Nokre komponentar krev spesialbehandling. Sjå Analyseoversikten.no
   • Serumrøyr utan gel: Serum skal overførast til eit transportrøyr like etter sentrifugering. Pass på at blodlekamane ikkje blir overførte til det nye røyret.
4. Unngå resentrifugering.

Plasma

1. Prøvetakingsrøyr tilsett antikoagulasjonsmiddel (EDTA, heparin, citrat) for framstilling av plasma kan sentrifugerast like etter prøvetaking. 
2. Sentrifugering: Følg anbefalingar og retningslinjer frå røyrprodusent og laboratorium for riktig sentrifugeinnstilling. Sjå også informasjon om sentrifugefart.
3. Etter sentrifugering:
   • Gelrøyr: Hugs å kontrollere at silikongelen legg seg som ein barriere mellom blodlekamane og plasma. Prøvetakingsrøyret sendast til laboratoriet. 
   • Røyr utan gel: Plasma overførast til eit transportrøyr like etter sentrifugering. Pass på at blodlekamane ikkje blir overført til det nye røyret. Merk røyret med riktig type plasma (EDTA-plasma, citrat-plasma, heparinplasma).

Haldbarheit

Alt prøvemateriale har avgrensa haldbarheit. Sjå Analyseoversikten.no​.

Merking og sending av prøvar

• Prøvematerialet skal merkjast, emballerast og transporterast forsvarleg​ til laboratoriet etter gjeldande retningslinjer.
• Prøvar som ikkje tilfredsstiller krava til pasientidentifikasjon og merking, oppbevaring eller haldbarheit, blir avviste av laboratoriet.
• Ver merksam ved sending over helg.