Informasjon til pasientar etter operasjon i kjeven

Kvifor bruk av strikk?

På grunn av kjevebrot, større kjeveoperasjonar eller rekonstruktiv kirurgi må kjevane dine vere i ro slik at ein får eit optimalt bitt. Det kan vere utfordrande å gå med strikk over ei lengre periode, men etter nokre dagar vil ein vere relativt uaffisert. 

Dersom gummistrikkane slitnar, kan du fint plassere nye strikk på. Det kan då vere lurt å ta bilete av seg sjølv på førehand slik at ein ser kvar strikkane er plasserte. Ved måltid og tannpuss kan du vere utan strikk.  

Dei fleste kjevebrot treng 4-6 veker for å gro. 

 Kosthald

Rikeleg og tilstrekkeleg næring er viktig. Like etter ein operasjon treng kroppen næringsrik mat.  

• Ved gape- og eller tyggeproblem, et mjuk eller mosa mat dei første vekene.  

• Skyll ofte munnen med reint vatn etter måltid, dette løyser opp mat som sit fast i reguleringa.  

• Blir du kvalm, legg deg på sida. Kvalmen vil då som oftast gå over. Du kan ved utskriving få resept på kvalmestillande.  

• Du bør vere varsam med inntak av alkohol medan kjeven gror, då dette kan føre til kvalme og oppkast, særleg i samband med smertestillande. 

• Unngå røyking og snus den første tida. 

Munnhygiene

Det er svært viktig å passe på munnhygienen. Dette for å hindre infeksjonar i slimhinner eller tannkjøt. 

• Puss tenner som vanleg, unngå tannpuss i operasjonsområdet den første veka. Bruk bakteriedrepande munnskyljemiddel (Paroex eller Corsodyl) morgon og kveld etter tannpuss i ei  veke etter operasjonen.  

• Då du ikkje kan slikke på leppene dine, kan desse lett bli tørre. Smør leppene ofte med salve eller liknande.  

Smerter  

Smerte og ubehag er vanlig ei tid etter ein kjeveoperasjon.  

• Ved utskriving vil du ha behov for smertelindring i form av tablettar, brusetablett eller stikkpiller.  

• Vidare er det vanlig å ha begrensa gapeevne.  

• Det kan og vere at nerven i kjeven er skada, og du vil då oppleve nummenheit og nedsatt kjensle i andletet. Dette kan vere forbigåande eller varig, avhengig av skaden. 

HEVELSE 

• Hevelse etter operasjonen er vanleg og er gjerne på topp etter 2-3 dagar. Hevelsen forsvinn vanlegvis etter 1-2 veker.   

• Blåmerker kan nokon gonger oppstå etter operasjonar. Dette er ufarleg og vil forsvinne av seg sjølv.  

• Pasientar som vert operert i overkjeven, vert som regel tette i nasa grunna blodkoaglar. Dette er ikkje farleg. Saltvatnspray kan du bruke for å løyse opp blodkoagel i nasa. 

• Den fyrste tida vert du anbefalt å ikkje snyte deg/pusse nasen. 

Aktivitet

• Unngå tunge løft eller hard fysisk aktivitet og liknande dei første 2- 3 vekene etter operasjonen. Dette kan lett føre til ekstra belastning for kjeven.  

• Beskytt operasjonsområdet mot støt og traume i disse 6 vekene.  

Har du spørsmål eller problem etter operasjonen?

Da kan du henvende deg til:  

Kjevekirurgisk poliklinikk (dagtid)Tlf. 55972850  

Etter kl. 16:00 eller i helger, ta kontakt med sengepost: Tlf.55973515 

Tannlegevakten i Bergen kan også kontaktes: Tlf. 55568717