Urologi

Avdeling for urologi er ei av fem fagavdelingar under Kirurgisk klinikk.
Avdelinga har en sengepost, Kirurgisk post 2. Avdelinga har og ein poliklinikk med ekspedisjon i sentralblokka 2. etasje.

Undervising
Urologisk avdeling har ansvar for utdanning av helsepersonell innan pleietenestene og utdanning av legar som skal verte spesialistar i urologi.Visittid

Visittid for pårørande er frå klokka 17.00-20.00. 

Det er totalt fire sengepostar og ei spesialeining ved avdelingane under Kirurgisk klinikk. Kirurgisk post 2 i 4. etasje har pasientar frå Urologi. Postane er utstyrt med einerom, dobbeltrom og firemanns rom.

Den vanlege visittida på sjukehuset er mellom kl. 17.00 og 20.00. Vi har mange nyopererte pasientar som deler rom med andre pasientar. Desse pasientane treng ro og vi ber om at besøkande viser omsyn. Om pasienten er i stand til å opphalde seg i daglegstove eller korridor, vil det vere mogleg å ta imot besøk utanom visittid. Ver vennleg å ta kontakt med personalet ved besøk utanom visittid.

Alle pasientar som kjem til poliklinikken er tilvist av primærlege/lege eller anna sjukehus. Poliklinikken sender brev direkte heim til pasienten om tid, stad og kva undersøkingar ein eventuelt skal gjennomgå.

Felles ekspedisjon for poliklinikkar ved Kirurgisk klinikk:

Når du ringer 55 97 28 42  får du følgjande val:

• Urologi
• Gastro og akuttkirurgi
• Karkirurgisk
• Plastikkirurgi og brannskade

Mesteparten av vår kapasitet går til behandling av kreftsjukdommar, steinsjukdommar og andre komplekse tilstandar som treng spesialistkompetanse eller spesiell oppfølging.
Nokre eksempel på urologiske plager og sjukdommar som blir utgreia ved vår poliklinikk: 

• Urinlekkasje (urininkontinens)
• Problem med å tømme urinblæra
• Smertefull eller hyppig vasslating
• Kronisk urinvegsinfeksjon
• Blod i urinen (synleg eller ved test av urin)
• Nyrestein
• Funn og plager som har gitt mistanke om svulst(god eller vondarta) i urinvegane

Logg deg på for å endre tildelt time. Du kan også ringje poliklinikken for endring av time. Gi beskjed så tidleg som mogleg, det gir poliklinikken anledning til å utnytte sin kapasitet best mulig. Ved avbod same dag må det betalast eigedel.

Ein forløpskoordinator har ansvaret for å koordinere pakkeforløpet, med bestilling av timar og anna - i tillegg til å være sjukehuset sin kontaktperson mot pasient og fastlege fram til behandlingsstart. Forløpskoordinatorane kan bli kontakta av både pasient og fastlegar.

Forløpskoordinatorar på Urologisk avdeling:

• Prostatakreft : Andrine Sandøy, tlf .55 97 00 62
  
  
• Blærekreft og peniskreft: Linda Mitt, tlf. 55 97 00 63
  
  
• Nyrekreft og testikkelkreft: Jeanette Pettersen, tlf. 55 97 03 05

Innleggingskontoret ved kirurgisk urologisk avdeling: 55972844 mandag, onsdag og torsdag 9-11.

Ved spørsmål under eller etter inngrepet:
Ta kontakt med avdelinga, post 2,55 97 34 30 eller Elektivt mottak, telefon 55 97 00 10.

Pasientar som er inkontinente for urin, har hyppige infeksjonar i urinvegane, eller problem med å tømme urinblæra, kan få oppfølging av uroterapeut. Ein uroterapeut er ein sjukepleiar med spesialutdanning i dysfunksjonar i nedre urinvegar. I nært samarbeid med urolog er dei delaktig i utgreiing og behandling.

Nokre av våre pasientar får opplæring i å tømme urinblæra sjølve med hjelp av eingongskateter. Opplæringa blir gitt av sjukepleiar på poliklinikken.

Pasientar som er opererte og som har fått urostomi eller blæresubstitutt kan få råd og hjelp på vår stomiklinikk. 

Nokre tilstandar blir i dag ikkje tatt hand om ved urologisk poliklinikk. I så fall får vedkomande tilbod om utgreiing og behandling ved andre sjukehus, eller hos privatpraktiserande spesialistar. Det krev i så fall at primærlege har sendt ei tilvising. Dette gjeld til dømes erektil dysfunksjon (impotens) og ukompliserte vassbrokk.