Vi tilrår at du alltid nyttar siste versjon av nettlesaren din.
Et nærbilde av en håndtrykk

Stomiklinikken

På Stomiklinikken har vi først og fremst eit tilbod til pasientar som har vore innlagt eller er utgreia ved sjukehuset, eller er tilviste frå frastlege. Klinikken blir betjent av stomi- og kontinenssjukepleiarar. Vi er spesialsjukepleiarar med kompetanse til å informere, rettleie og følge opp pasientar som har stomi, fistlar, reservoar eller avføringsproblem som har sitt opphav i bekkenbotnen.

Bestilling av time 

Fleire pasientgrupper kan ringe direkte til stomi- og kontinenssjukepleiar for å bestille time. Dersom du er tilvist av lege vil du få time tilsendt i Helsenorge.no.  

Telefonsvarar 

Stomi- og kontinenssjukepleiar arbeider både på sengepost og stomiklinikk. Når stomi- og kontinenssjukepleiar er opptatt blir telefonsvarar brukt. Legg igjen telefonnummer og namn. Vi høyrer gjennom talemeldingane alle kvardagar mellom kl 08:00 og 16:00, og tar kontakt. Nokre av oss jobbar deltid på stomiklinikken, så det kan gå eit par dagar før den du ønsker kontakt med kan ringe tilbake.  

Stomipose. Foto

Den opererte pasient 

Pasientar som har vore gjennom ein større operasjon og fått laga til ein stomi kan oppleve endringar i kvardagen som kan vere krevjande å takle og treng å snakke om dette. Ved stomiklinikken tilbyr vi faste oppfylging det fyrste året etter operasjonen, og sidan ved behov.   

Stomi- og kontinenssjukepleiar kan gje råd og rettleiing i forhold til den nye livssituasjonen  både når da gjelde kostjusteringar, fysisk aktivitet, det å gå tilbake til jobb og fritidsaktivitetar, det å reise, endra sjølvbilde  og det å ta opp att samliv.  Av meir praktisk tiltak, gir vi rettleiing i rett stell av stomi og huda rundt stomien og råd ved eventuelle lekkasjeproblem eller sår hud.  Vi har oversikt over alt som finnast av stomiutstyr, kan gje ut prøvar, og kan  hjelpe til med å finne det som fungerer best for den enkelte.  

I tillegg til stomiopererte følger vi og opp pasientar som har fått ulik type reservoar som erstatning for dei naturlege funksjonane, eller pasientar som pga. sjukdom har utvikla fistlar.  Også her kan vi gi råd om tilpassing til ny livssituasjon, kostjusteringar, stell av hud og bandasjering .  

 

Pasientar med avføringsproblem som har sitt opphavet i bekkenbotnen 

Nokre kan vera plaga med manglande kontroll på avføringa, andre med forstopping eller smerter i bekkenbotnen. Til desse pasientane bidrar stomi- og kontinenssjukepleiar med alt innan ikkje operativ behandling.  Dette kan vere informasjon om rette rutinar ved toalettbesøk, kostjusteringar, medikamentbruk,  aktuelle bind eller analpropppar, opplæring i tarmskyll eller bruk av apparat for opptrening av bekkenbotn/lukkemuskel. Desse pasientane er som oftast tilviste frå fastlegen. Først vil pasienten bli undersøkt av ein av våre legar, der vidare utgreiing blir klarlagt. Deretter vil vedkomande bli tilvist til stomi- og kontinenssjukepleiarane for vidare behandling (den "ikkje operative delen" av behandlinga).  

 

Til deg som har stomi

Her finn du informasjon om ulike typar stomi og stomiutstyr, korleis ta vare på helsa, kva du bør vere merksam på, og anna som er verd å vite.

Til deg som har stomi
En persons kropp med en tegning på den

Kontakt

Telefon

Når stomi- og kontinenssjukepleiar er opptatt blir telefonsvarar brukt. Legg igjen telefonnummer og namn. Vi høyrer gjennom talemeldingane alle kvardagar mellom kl 08:00 og 16:00, og tar kontakt med deg.

E-post

postmottak@helse-bergen.no

Logg inn for å endre time

Logg inn på helsenorge.no
Skal du sende melding til Helse Bergen HF som inneheld personsensitive opplysningar, kan du gjere det på ein trygg og sikker måte med VestDialog.

Slik finn du fram

Oppmøtestad

Du finn oss i 2. etasje i Sentralblokka på Haukeland universitetssjukehus. Registrer at du har kome, eller gå til ekspedisjonsluka i 2.etg. Du får då informasjon om kva for et venteareal du skal gå til. Vi disponerer fleire rom, så venteareal D5 og D6 er det som blir nytta. Opningstid er kvardagar frå kl.09-17.00

Flyfoto av Sentralblokka

Sentralblokka

Haukelandsveien 22

5021 Bergen

Finn fram

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.