Health literacy in patients with coronary artery disease following percutaneous coronary intervention

Gunhild Brørs er den tredje kandidaten som disputerer på data frå den prospektive multisenter kohortstudien CONCARD^PCI​, som inkluderte 3417 pasientar som fekk utført perkutan koronar intervensjon (PCI) ved sju norske og danske universitetssjukehus. 

Les meir om CONCARD^PCI

Elektronisk helseteknologi (eHelse) gir helsetenesta nye moglegheiter innan vidareutvikling av oppfølgingsprogram for pasientar med etablert koronar hjartesjukdom. Vidare er optimalisering av helsekompetanse omtalt som ein essensiell faktor for å lykkast innan førebygging av sjukdom. For å forstå moglegheiter innan eHelseteknologi og helsekompetanse hjå pasientar med koronar hjartesjukdom, må kunnskapsgapet som eksisterer blir lukka. 

Avhandlinga består av fire delstudiar. Det overordna målet med avhandlinga var å beskriva effekten av sekundærførebyggjande eHelseprogrammer for pasientar med koronar hjartesjukdom, og å undersøkja helsekompetanse, eHelsekompetanse og risikofaktorar blant pasientar etter utblokking av koronararterien (PCI). I studie 1 vart systematisk kunnskapsoppsummering brukt til å beskriva effekt av sekundærførebyggjande eHelseprogrammer. Studien viste at sekundærførebyggjande eHelseprogrammer har positiv innverknad på helseutfall. Tre studiar vart utførte baserte på data frå CONCARDPCI-prosjektet. Studie 2 vurderte måleeigenskapar for den norske utgåva av spørjeskjemaet eHealth literacy scale (eHEALS) (n=1695) og fann tilfredsstillande måleeigenskapar. Studie 3 og 4 fann at nøkkelaspektar av helsekompetanse og eHelsekompetanse var assosiert med åtferdsmessige og psykologiske risikofaktorar for koronar hjartesjukdom frå baseline til 6 og 12 månader etter PCI. Samla viste resultata at det bør takast omsyn til helsekompetanse og eHelsekompetanse ved utvikling av sekundærførebyggjande eHelseprogrammer etter PCI.

Oppgitt emne for prøveforelesinga var «Changes in Cardiovascular disease incidence in a global perspective and further possibilities for primary prevention». Brørs heldt ein flott, informativ og godt illustrert førelesning om emnet.