Bestilling av forbruksmateriell gjøres via helsenorge eller telefon

Om du skal komme å hente forbruksmateriell må du bestille på førehand då det blir ein del ventetid.

Viktig informasjon:

Alt forbruksmateriell skal plukkast av utstyret før retur / innlevering til vårt personell, eller når utstyr blir henta av sjåførane våre heime hos pasient.

Ved påvist smitte hos pasient skal utstyr pakkast inn i merka emballasje.

Utstyrsgrupper vi kan hjelpe deg med:

• Insulinpumper og CGM
• Forstøvingsapparat
• Søvnbehandling (CPAP og Bi-level apparat)
• Oksygenkonsentrator
• Berbar flaske for oksygen
• Heimerespirator
• Sug
• Sprøytepumpe for subkutan behandling
• Pumpe for enteral sondeernæring
• Infusjonspumpe
• Utstyr for egenkontroll av INR
• Elektrostimulator/ Biofeedbackapparat
• Anna utstyr som sjukehuset har ansvar for

Bestille forbruksmateriell til behandlings­hjelpemiddel

Til deg som har fått tildelt eit behandlingshjelpemiddel.

Alle pasientar som har fått utdelt utstyr til heimebehandling frå Helse Bergen kan bestille nytt forbruksmateriell etter behov.

Til deg som tar utstyr med på reise

Er du på reise i Noreg og det oppstår feil ved utstyr levert frå Seksjon for behandlingshjelpemiddel, ta kontakt med oss på telefon 55 97 41 77. Vår opningstid er måndag til fredagkl. 08.00-15.00. Dersom du oppheld deg i andre område i Noreg, vil vi formidle kontakt med gjeldande behandlingshjelpemiddeleining.

På reise gjeld følgjande:

Utstyr må pakkast forsvarleg. Det skal transporterast som handbagasje eller spesialbagasje.
Helse Bergen HF er økonomisk ansvarleg for utstyr som ligg under helseføretaket sitt ansvar. For heimebuande pasientar gjeld dette så lenge de oppheld seg i Noreg, jfr. Spesialisthelsetenesteloven § 1-2, 2-1a og Pasient- og brukerrettighetsloven § 1-2.

Vel du å ta med utstyr ut av landet og det oppstår feil, har ikkje Seksjon for behandlingshjelpemiddel høve til å hjelpe deg før du er tilbake i Noreg.
Vi anbefaler at utstyr blir verdiforsikra under utanlandsreise. Ordinær reiseforsikring dekker ikkje nødvendigvis slikt utstyr, sjekk forsikringsvilkåra. Ein kan bli økonomisk ansvarleg for skade og tap av utstyr som skuldast aktløyse eller forsett.

 
Før du reiser utanlands anbefaler vi også:

• Bestill Europeisk helsetrygdkort. Kortet gir rett til nødvendige helsetenester under mellombels opphald i eit anna EØS-land. Dine rettar avheng av reglane i landet du oppheld deg i.
• Du bør teikne ei reiseforsikring som dekkjer helseutgifter.
• Utstyr og vedlikehald

Service og rutinekontrollar er nødvendig på ein del utstyr som er i bruk. Det er viktig at dette blir kontrollert slik at utstyret gir best mulig behandling. Pasienten får brev i posten når det er tid for service. Ved feil eller manglar reparerer vi. Kontakt oss dersom det skjer, så avtalar vi nærmare.

Masker, slangar, koblingar eller filter

Vi har eit stort utval forbruksmateriell som passar til alle utstyrsgruppene våre. Noen utstyrgrupper har eigne bestillingslister, dei kan du finne her. For å bestille forbruksmateriell kan du ringe eller sende e-post. Materiell kan hentast hos oss, eller vi kan få det sendt heim til deg. Sondeernæring, næringsdrikkar og andre produkt kan du kjøpe hos oss mot blå resept.

Køyreliste

Bestilling av forbruksmateriell må skje før kl. 12:00 dagen før.