Tenestetilbodet vårt
Dokumentasjonsavdelinga sine tenester er tilgjengelege for heile føretaket.
Depotet
Vurderer arkivverdig materiale, legg til rette for forsking, låner ut pasientjournalar, og forvaltar arkivet i tråd med lovverket.
Innsyn i journal
Dokumentasjonsavdelinga leverer ut pasientjournal til pasient eller pasienten sin representant etter førespurnad. Det vert gjort ei utskrift og ei utsending av bestilte journaldokument.
Arkivtenesta
Journalfører all post til og frå Helse Bergen, handsamar føretaket sitt digitale postmottak, arkiverer personalmapper, og står for kundeservice, kurs og opplæring i sakarkivsystemet Elements.
Skrivetenesta
Lydfiler med pasientdokumentasjon vert skrivne, kvalitetssikra og ført inn i DIPS. I tillegg kvalitetssikrar ein epikriser, det vert teke utskrift, og send legedokumentasjon i DIPS.
Skannetenesta
Hovudoppgåven til skannetenesta er å skanne pasientdokumentasjon for heile Helse Bergen i den elektroniske pasientjournalen DIPS.
- Pasientrelatert papirpost skannast og tilvisingar registrerast. Dokumenta vidareformidlast elektronisk til dei ulike avdelingane i sjukehuset. Vi mottek og behandlar òg noko elektronisk post.
- Papirdokument produsert i dei ulike avdelingane under sjukehusopphaldet skannast. Dei fleste dokumenta vil verte tilgjengeleg for pasienten via helsenoreg.no 12 dagar etter skanning.
Sekretærane leverar helsesekretæroppgåver til Mottaksklinikken. Mellom anna registrerar dei alle strakshjelp-pasientar i pasientjournalsystemet Dips Arena og Meona.
Dei bemannar resepsjonen i Akuttmottaket og tek blodprøvar i triageteam. I tillegg leverer dei ein postsekretær i Korttidsposten og ein til kvar av utgreiingspostane.
Alle sekretærane går i heilkontinuerleg drift.
Posttenesta
Leverer, hentar inn, og sorterer brevpost og internpost til avdelingane på Haukelandsområdet. Utgåande post frå føretaket vert frankert og send ut. I tillegg sorterer og pakkar ein brevpost som skal sendast via Rutepost til legekontora.
Sist oppdatert 26.07.2024