Vognstølen barnehage

Gjennom trygge relasjonar og positive kvardagsopplevingar støttar vi barnas utvikling av sjølvkjensle, livsglede og tru på eigne evner – viktige føresetnader for å utvikle resiliens. 

Barnehagen har fire avdelingar, alle med barn i alderen 1–5 år. Dette gir barna høve til å vekse i eige tempo, og vi legg til rette for leik og samvær på tvers av avdelingane. Slik får barna varierte erfaringar i møte med andre, som styrkjer evna til tilpassing, samspel og utvikling av sterke relasjonar. Venskap og leikekameratar er viktig, og vi arbeider systematisk for at alle barn skal oppleve å høyre til og å ha nokon å leike med. Gjennom deltaking i leik og fellesskap får barna øve på å handtere kjensler, løyse utfordringar og meistre sosiale situasjonar, noko som bidreg til å styrkje motstandskrafta deira.