Vi tilrår at du alltid nyttar siste versjon av nettlesaren din.

Habiliteringstenesta for barn og unge (HABU)

Starthjelp

Eit førebyggande lærings- og meistringstilbod for nye foreldre av barn med nedsett funksjonsevne eller langvarig sjukdom

Foreldre som nyleg har fått vite at deiras barn (0-6 år) har nedsett funksjonsevne eller langvarig sjukdom, og som vil ha behov for tett oppfølging frå helse- og omsorgstenesta framover.

Kurset går over fire heile dagar.

Det blir lagt opp til varierte kursdagar:

  • Erfaringsinnlegg frå foreldre frå relevante brukarorganisasjonar (mellom anna NFU og CP-foreininga)
  • Innlegg frå fagpersonar frå ulike delar av hjelpeapparat
  • Samtale og utveksling av erfaringar i mindre grupper og i plenum  

I tilbodet er det lagt til rette for formidling av informasjon og kunnskap om dei moglegheitene og rettar som familien har, om det å meistrar familielivet, foreldrerolla og kvardagen og for utveksling av erfaringar. Tilbodet representerer også ein møtestad mellom foreldre og fagpersonar frå ulike delar av tenesteapparatet og mellom foreldre som er i liknande situasjon.

Tema som blir teke opp i kurset:

  • «Systema rundt oss»: Informasjon om hjelpesystema, rettar og moglegheiter
  • «Familie og nettverk»: Familieliv, foreldrerolle, søsken som pårørande og støtte frå nettverk
  • «Samspel med barnet»: Barns utvikling, samspel og kvardagsliv med barnet
  • «Håp og meistring»: Vanlege reaksjonar, meistring og eigenomsorg for foreldre

Formålet med kurset er å bidra til at deltakarane kan oppleve håp og meistring i den nye livssituasjonen og slik førebygge eller redusere psykiske helseproblem og belastningar hos alle i familien.

Kurset er ein del av habiliteringsoppfølginga på HABU og er kostnadsfritt.

Dette kurset er ein del av habiliteringsoppfølginga ved HABU. Pasientar med oppfølging ved HABU eller deira føresette kan ta kontakt på telefon eller e-post:

Telefon 55 97 83 35

E-post barnehab@helse-bergen.no (ikkje sensitive opplysningar)

Neste kurs publiseres her.

 

Tilbake til Kurs og grupper

 

Kurskalender for HABU

  • Starthjelp
    Starthjelp er eit lærings- og meistringstilbud for foreldre til unge barn med funksjonsnedsettelse eller langvarig sykdom
    Starthjelp
    3.
    mars
    2025
    4 dagar
  • Bleieslutt
    Ei innføring i ein intensiv metode for barn som skal slutta med bleie.
    Bleieslutt
    5.
    mai
    2025
  • Foreldresamling - om søsken som pårørande
    Tilbod til foreldre med temaet å ta vare på søsken til barn med funksjonsnedsetjing.
    Foreldresamling - om søsken som pårørande
    12.
    mai
    2025
  • Workshop i "Praktisk ASK"
    Ein workshop om kommunikasjonshjelpemiddel for foreldre og fagfolk.
    Workshop i "Praktisk ASK"
    4.
    september
    2025
  • Plutseleg vaksen
    Eit gruppebasert kurs for føresette om overgangen frå barn/ungdom til vaksenliv og ei foreldrerolle i endring.
    Plutseleg vaksen
    8.
    september
    2025
    2 dagar
  • Bleieslutt
    Ei innføring i ein intensiv metode for barn som skal slutta med bleie.
    Bleieslutt
    25.
    september
    2025
Sist oppdatert 19.03.2025