Workshop i "Praktisk ASK"

Foreldre og lokale samarbeidspartnarar (skule, barnehage, avlasting) til barn og ungdom som har behov for alternativ og supplerande kommunikasjon (ASK) i kvardagen sin og som har oppfølging av Habiliteringstenesta for barn og unge i Bergen.

Workshopen går over 4 timar i lokala til HABU:

• Dagen startar med ein introduksjon av ASK-teamet ved HABU etterfølgd av ei kort forelesing om kommunikasjon og tilrettelegging.
• Deretter vil det bli god tid til å prata med dei ulike produsentane og/eller oss. Det er lagt opp ulike leikestasjonar, oppgåver og ulikt innhald, som kan gi gode drøftingar i teamet rundt barnet.

Barnet eller ungdommen skal ikkje delta på denne workshopen, det er for samarbeidspartnarar rundt barnet/ungdommen som bruker kommunikasjonshjelpemiddelet saman med dei.

På workshopen har vi med ulike leverandørar som alle er produsentar av kommunikasjonshjelpemiddel. Dei vil ha med seg utstyr som kan prøvast og dei kan svare på spørsmål rundt hjelpemidla. Det kan vere nyttig å ha med barnet/ungdommen sine eigne kommunikasjonshjelpemiddel på dagen dersom dei har aktuelle eller spesifikke problemstillingar eller vanskar knytt til dette. 

ASK-teamet jobbar for at barn og unge med behov for eit kommunikasjonshjelpemiddel skal få kunne lære å uttrykke seg på best mogleg måte, og ikkje nødvendigvis berre forstå det som andre formidlar til dei. Til dette trengst det hjelpemiddel for formidling, og vi arbeider for at nettverket rundt skal kunne få rettleiing og støtte i bruk av desse på alle arenaer.

Kurset er kostnadsfritt for barn og ungdom under 16 år.

Frå 16 år kan det vere ein eigendel. Eigenandelen inngår i oppteninga til frikort for helsetenestar og kurset vil vere kostnadsfritt med frikort. Sjå meir på Frikort (helsenorge.no).

Invitasjon blir send til foreldre av barn eller ungdom som har eller kunne hatt utbytte av ASK, og også til enkelte spesialavdelingar på skular. Foreldre blir oppmoda til å invitere med alle samarbeidspartnarar til workshopen.

Pasientar med oppfølging ved HABU kan ta kontakt med avdelinga på:

Telefon: 55 97 83 35

E-post: barnehab@helse-bergen.no 

Neste kurs er planlagt 04.09.25.

Informasjon om ASK finn du på:

• Statpeds nettsider: www.statped.no/ask
• NAV Hjelpemiddelsentralen sin nettside: www.kunnskapsbanken.net/kommunikasjon. Her finn du også oversikt over kurs og webinarer som blir arrangert i regi av NAV

Rettleiarar for dei som jobbar med barn med behov for ASK i barnehage eller på skule:

• Utdanningsdirektoratets nettside: www.udir.no/laring-og-trivsel/spesialpedagogikk/ask/.   

ISAAC

• Nettside: https://isaac.no  
• ISAAC er ein internasjonal medlemsorganisasjon som arbeider for å betra kommunikasjonsmoglegheitene for barn og vaksne med omfattande kommunikasjonsvanskar og på nettsida til organisasjonen finnast det informasjon om ASK.