Jobb hos oss på HABU

HABU har eit tverrfagleg personale med psykologar, ergoterapeutar, logopedar, spesialpedaogar, fysioterapeutar, sosionom, merkantil og vernepleiar. 

HABU ligg i Glasblokkene på Haukelandsområdet. Vi er fordelte i blokk 3 og blokk 8.

Dei fleste av våre pasientar kjem til polikliniske avtaler på HABU, men vi har også ambulerande verksemd. Mykje av arbeidet går føre seg i tverrfaglege team. 

Vi er ein triveleg gjeng som finn på mykje gøy. Hos oss ønskjer vi å behandla kvarandre godt, slik at HABU blir ein god stad å jobba.

Vi har arbeidstid frå 8:00 til 15:30, og vi har fleksitidordning med kjernetid frå kl 9:00 til 14:00. 

Arbeidet vårt består i stor grad i å samarbeid med kommunale tenester som gir habiliteringsoppfølging til barn og unge. Vi samarbeider også med alle einingar i Barneklinikken, i tillegg til andre klinikkar i Helse Bergen og andre sjukehus i Helse Vest.

Dersom du jobbar hos oss på HABU blir du en god habilitør. Du blir god til å arbeida tverrfagleg og tenkja heilhetlig saman med pasientane våre og deira familie. 

Avhengig av fagleg bakgrunn vil du utvikla spesialkompetanse innan dei arbeidsoppgåvene HABU har ansvaret for.