Barne- og ungdomsklinikken, Dagpost

Dagposten er lokalisert i 1. etasje i blokk 8 i Glasblokkene. Her behandlar vi barn og unge 0-18 år med generelle medisinske tilstandar som treng kontroll eller kortvarig behandling som kan foregå på dagtid. Barnet og pårørande kan møte opp og få behandling for så å dra direkte heim i etterkant, utan innleggelse på sengepost. Typiske pasientar her er barn med kronisk sjukdom i mage/tarm eller nyrer, eller barn med kreftsjukdom eller medfødde tilstandar som treng medikamentell behandling gitt som injeksjon (sprøyte) eller intravenøst (via kanyle, sentralvenøst kateter eller veneport). Ved dagposten kan ein treffe både sjukepleiar og lege, og av og til andre yrkesgrupper.