Inngangsparti i Haueklandsbakken. Illustrasjon: Arkitema Architects
I r
apporten som no er sendt til styret presenterast planane for bygget som skal huse neste generasjons strålebehandling. Protonsenteret skal ligge i Haukelandsbakken rett over nedre stasjon til Ulriksbanen. Protonsenteret vert planlagt med eit behandlingsrom og eit forskingsrom som ved behov kan omgjerast til eit klinisk behandlingsrom.- Vi er no viktige steg nærare å gje kreftpasientar i Noreg ein meir skånsom behandling. Kontrakt med leverandør av protonutstyr er på plass. I skisseprosjektet er bygget detaljert og tilpassa dei lokale tomteforhalda i Haukelandsbakken. Med skisser og illustrasjonar på bordet ser vi heilt konkret korleis protonsenteret kan bli sjåande ut når bygget skal takast i bruk i 2025, seier administrerande direktør Eivind Hansen.
Last ned: Skisseprosjektrapport Protonsenteret (pdf)
I vestibylen. Illustrasjon: Arkitema Architects
Uvanleg byggeprosjekt
Eit protonsenter skil seg frå ordinære sjukehusprosjekt ved at det i senteret berre skal utførast ein behandlingsmetode for stråling av kreft. Det er ei avgrensa pasientgruppe til å begynne med, på sikt vil man utvide denne gruppa for å tilby protonterapi til alle dei pasientane som vil ha nytte av dette, behandlingsmetoden er høgspesialisert og svært avansert teknisk. Det er strenge krav til bygget si utforming, spesielt med tanke på stråleskjerming rundt protonakseleratoren og strålelinjene frem til behandlingsrom.
Bygget har to bygningsvolum, ein betongbunker for strålebehandlinga og ein enklare klinikkdel tilsvarande ordinære sjukehusbygg. Illustrasjon: Arkitema Architects
- Det nye protonsenteret er tilpassa utfordringane og det som er mogleg på tomta. Bygget har to bygningsvolum, ein betongbunker for strålebehandlinga og ein enklare klinikkdel tilsvarande ordinære sjukehusbygg. Oppdelinga i strålebehandlingsbunker og klinikkdel for protonbygget er ein konsekvens av dei forskjellige arealbehova og skjermingsbehov, seier prosjektleiar for byggeprosjektet Lars-Petter Smidt.
Protonsenteret skal innehalde fleire områder:
- Plan U2: Parkeringsetasje og intern logistikk med heis/trapp
- Plan U1: Personalrom, garderobe og driftsrelatere rom
- Plan 01: Klinikkområder med hovudinngang, resepsjon, venteområder inkludert avskjerma plassar for barn, areal for behandlingsplanlegging, poliklinikk med arbeidsstasjonar, undersøkingsrom/samtalerom, laboratorium og prøvetakingsrom, arbeidsplassar og kontorfunksjoner
- Plan 02: Behandlingsdelen med behandlingsrom og gantryer, arbeidsstasjonar, kontrollrom, medisinrom, konsultasjonsrom, areal for anestesi og oppvakning, bildediagnostikk med CT, MR og forskingsareal.
- Plan 03: Kontor for utstyrsleverandør samt tilgang til verkstader, internheis og tekniske rom
Ankomst. Illustrasjon: Arkitema Architects
Tunnel og heis frå Sentralblokka
Protonsenteret skal byggast på toppen av Haukelandsbakken med kort avstand til sjukepleiarhøgskulen og omkringliggjande bustader - og hybelhus. Området er eit framtidig utviklingsområde for Haukeland universitetssjukehus.
Protonsenteret skal byggast i Hauekalndsbakken rett over Ulriksbanens stasjon. Ein heis skal knytta området til sentralblokka.
For å knytte protonsenteret opp mot eksisterande bygningsmasse og funksjoner vil det bli etablert ein tunnel og heisløysing frå Sentralblokka og opp til protonssentret som vil sikre:
- Ein sikker trafikal forbindelse for pasientar (gåande og pasientar i seng) og tilsette
- Optimal kommunikasjon, personflyt og fleksibilitet mellom fagmiljøa på HUS og protonsentret
- Gode logistiske løysningar for varetransport (medisinar, forbruksartiklar, arbeidstøy mv.)
- Ei trafikal løysning som reduserer trafikk- og personbil belastninga i Haukelandsbakken
- Ei logistikkløysning som reduserer behovet for p-plasser ved protonsenteret
- Ei løysning som tek vare på og forsterkar det framtidige utviklingspotensialet for området
- Heisen skal sikre god tilgang til senteret for pasientar og tilsette i protonsenteret. I tillegg er Haukelandsbakken eit framtidig utviklingsområde for Haukeland universitetssjukehus. Med heisen blir området knytta tettare til sjukehuset, og vi vil framover sjå på korleis vi kan utnytte området rundt senteret i framtida, seier Eivind Hansen.
Resepsjonen i klinikkdelen. Illustrasjon: Arkitema Architects
Kontrakt med utstyrsleverandør signert
Protonutstyret påverkar i stor grad utforminga av bygget. Det har difor vore kontinuerleg koordinering mellom byggeprosjektet og arbeidet med å anskaffe protonutstyr til senteret.
Biletet viser eit behandlingsrom innvendig med bordrobotsystem med bordtopp midt på biletet. Vi ser også stråle nozzle (sluttstykke) som inneheld utstyr for kontroll med og finjustering av protonstrålen. Foto: Varian Medical Systems.
Protonsenteret ved HUS skal saman med det nye senteret på Radiumhospitalet være eit tilbod til heile landet, ein fleirregional behandlingsteneste. Dei to protonsentra vil ved full drift kunne tilby protonterapi til om lag 5 % av stråleterapipasientane i Noreg. Anskaffing av protonutstyr har vore organisert som eit eige, nasjonalt prosjekt. Kontrakten med Varian Medical Systems vart signert 2. mai.
Les meir: Kontrakt signert med utstyrsleverandør til protonsentra i NoregOrganisasjonsutvikling
Parallelt med arbeidet med skisseprosjektet er arbeidet med eit større organisasjonsutviklingsprosjekt starta. Målsettinga med å starte så tidig er at sjukehuset skal vere førebudd og klar til å ta i bruk nytt bygg og utstyr for protonterapi når bygget står ferdig. Organisasjonsutviklingsprosjektet har starte å jobbe med behov for bemanning, pasientforløp og arbeidsprosessar.
Forprosjekt neste steg
Skisseprosjektet er gjennomført av Helse Bergen HF sin prosjektorganisasjon og tilsette ved Haukeland universitetssjukehus. Det er gjennomført ei rekke brukarmøter. Det har vore gjennomført risiko- og sårbarheitsanalyse med fokus på design. I tillegg har Direktoratet for strålevern og atomsikkerhet (DSA) vore involvert i prosessen og gitt nødvendig løyve til anskaffing av utstyr for protonterapi.
Det har også vore engasjert ei prosjekteringsgruppe for utarbeiding av skisseprosjektet for protonsenter haust 2018. Prosjekteringsgruppa har bestått av Arkitema Architects, Rambøll, Multiconsult, Norconsult og Bygganalyse. Arbeidet starta i oktober 2018 og vart avslutta april 2019. Etter at skisseprosjektrapporten er vedtatt, vil Helse Bergen inngå kontrakt med rådgjevarar for dei ulike fagområda både for forprosjekt, detaljprosjekt og byggefase. Dette skal sikre kontinuitet innan dei ulike ansvarsområda.
Helse Bergen planlegg å starte arbeid på tomta i august 2020 med sprengingsarbeider og start av arbeid med tunnel. Det forutset at arbeidet går som planlagt og i nært samarbeid med leverandør av protonutstyret. Ferdigstilling av anlegget er planlagt i overgangen 2023-2024 med planlagt klinisk oppstart med protonterapi i 2024.