Gymsal
Her er utstyr for dei aller fleste ballaktivitetar, klatring, hinderløyper, rullestolaktivitetar og anna moro. Inkludert i leiga er garderobar.
Det finst også prosjektor, to mikrofonar (ein handhaldt og ein mygg), musikkanlegg og sitteputer til tribuna.
Basseng
Garderobetid er inkludert i leiga. Vi har to HC-garderober med dusjbenk og heis, ei instruktørgarderobe og ei herregarderobe og ei damegarderobe. I tillegg har vi mange dusjstolar som kan trillast frå garderober og ut i bassenget.
Inkludert i leigeprisen er ein badevakt. Leigetakar må stille med ein person over 18 år som har godkjent HLR-kurs, som er kjent med alarmplanen og som kan bistå badevakt i ein eventuell nødsituasjon. Har leigetakar ikkje dette, kan ekstra badevakt leigast frå Energisenteret.
VR-rommet
Her er utstyr til VR-gaming og PC-gaming, samt ei sittegruppe for sosial samvær.
Styrkerommet
Her er manualar, trekkapparat, tredemølle, beinpress, slynger og boksesekk.
Personar under 18 år må ha fylgje av ein vaksen når rommet brukast.
Møterom
Vi har to møterom, eit med plass til 12 personar og eit med plass til 16 personar. Begge romma er utstyrt med prosjektor, PC og moglegheit for digitale møte. Det ligg eit tekjøkken i tilknytting til møteromma som kan nyttast til å lage kaffi/te og tilberede lett servering.