Gynekologisk undersøking i narkose blir brukt ved utgreiing av gynekologiske lidingar og til å måle effekt av behandling mens den er i gang.
Nokre gonger er det nødvendig at vi gjer den gynekologiske undersøkinga i narkose. Vi kan ta vevsprøver frå livmor og kartlegge sjukdommen din.
Før
Førebuingar heime før undersøkinga
Du må faste frå klokka 24.00 kvelden før undersøkinga. Det betyr at du ikkje kan ete, røyke, bruke snus, tygge tyggegummi eller spise drops. Du kan drikke vatn inntil klokka 06.00 sjølve undersøkingsdagen.
Stell deg som vanleg om morgonen den dagen du skal til undersøking. Ikkje bruk body lotion, ansiktskrem, sminke, kontaktlinser eller ha på deg naglelakk, smykke/piercing/ringar eller klokke denne dagen.
Under
Når du kjem til sjukehuset, vil du bli møtt av ein sjukepleiar. Du vil få utdelt pasienttøy og ei seng eller ein lenestol mens du ventar. Sjukepleiaren vil stille deg nokre spørsmål for å kvalitetssikre at alle førebuingane er gjort rett.
Det kan bli ein del venting før du blir køyrt til operasjonsstova der undersøkinga blir utført.
Du vil bli køyrt til undersøkinga i seng. Når du kjem til operasjonsstova, vil du bli tatt imot av operasjons- og anestesisjukepleiarar som skal vere med deg under operasjonen. Inne på operasjonsstova vil vi gjere deg klar, og du blir lagt i narkose før undersøkinga begynner.
Undersøkinga blir utført i gynekologisk leie. Det vil seie på same måte som når du er til undersøking hos gynekolog. Legen gjer ei gynekologisk undersøking og tar eventuelle prøver samtidig. Ved mistanke om livmorhalskreft eller urinvegsfistel vil legen også sjå inn i urinblæra di med eit cystoskop (eit tynt røyr med kamera). Noen ganger gjer vi andre undersøkingar samtidig som vaginal ultralyd eller ano-/rektoskopi.
Etter
Etter undersøkinga vil du bli liggande på oppvakningsavdelinga i om lag ein til to timar til du er heilt vaken frå narkosen. Du vil få drikke og etter kvart mat. Du bør ha følge første gong du skal opp av senga etter narkosen.
Det er som oftast ikkje nødvendig med sjukemelding etter denne undersøkinga, og det er vanleg å reise heim same dag som undersøkinga blir utført. Før du reiser heim, vil du få ei samtale med legen som undersøkte deg. Du får informasjon om eventuell vidare behandling eller operasjon. Vevsprøver tar det nokre veker å få svar på.
Ver merksam
Dei første 14 dagane etter undersøkinga bør du kontakte sjukehuset dersom:
Du har feber over 38 grader som ikkje går over i løpet av to dagar
Ved spørsmål før innleggelse: Innleggelseskontoret ved Kvinneklinikken - telefon 55 97 42 46
Denne behandlingen utføres ved Seksjon for gynekologisk kreft og ved Seksjon for generell gynekologi. Hvis du har spørsmål under og etter innleggelsen skal du ringe til den avdelingen som har behandlet deg.
Ved spørsmål under eller etter innleggelse: Seksjon for gynekologisk kreft - telefon 55 97 42 90 eller Seksjon for generell gynekologi - telefon 55 97 42 21
Ein kan gå mellom Sentralblokka og Glasblokkene innandørs via tunnelsystemet.
Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset.
Rettar/Rettane dine Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt. Les meir om rettane dine ved pasientreiser
I Glasblokkene 5-8 er det ein hovudresepsjon i 1. etasje som betener alle pasientar, pårørande og besøkande til Glasblokkene. Hovudresepsjonen er betent alle dagar frå kl. 07.00 - 21.00. Helg og heilagdager er resepsjonen betent frå 08.00 - 21.00.
Her kan du få hjelp til innsjekk, å finne fram, bestille tolk, transport og mykje meir.
I tillegg til hovudresepsjonen er det ein ekspedisjon i tilknyting til mottaket i U1. Denne har ope alle kvardagar kl. 07.00 - 22.30, og frå 08.00 til 22.30 i helg/heilagdagar
Resepsjonsarealet som finst i trinn 1 vil frå september 2023 bli gjort om til base for vektarar frå hospitaldrift, og bemannast med vektar 24/7. Her er vektar tilgjengeleg for pasientar og besøkande for enklare førespurnadar og spørsmål.
I innkallingsbrevet ditt står det kor du skal møte på sjukehuset. Dei aller fleste får også ein SMS for ankomstregistrering same dag som timen er. Du kan velge å velge å sjekke inn via SMS på mobilen, eller på sjølvbetjeningsautomat i Glasblokkene.
Dei pasientene som treng eller ønsker det, får hjelp hjelp i resepsjonen.
Når pasienten har sjekka inn, enten via mobil eller på automat, får du SMS med referansekode som viser kva ventesone de tilhører. Du vil alltid få ein SMS for innkalling til rom/sted.
Når timen er over og oppgjøret tatt, får pasientene mulighet til å betale egenandel mm. via Vipps, eller å få tilsendt regning i posten eller nettbanken.
Her vert det lagt inn informasjon om kor dei ulike ventesonene er.
For inneliggande pasientar er det fire spisestover i huset. Mattilbodet vil være tilpassa dei pasientane som bur på postane. I spisestovene er det eigne drikkestasjonar med kaffemaskin, juice, melkedispenser og vann/isbitmaskin.
Det vil også være ein kafé i første etasje. Denne er open både for pasientar, pårørande og tilsette.
Det er også sju matautomatar spredt rundt i bygget. Desse vil innehalde eit variert utvalg av fersk og ferdig tilberedt mat.
Vi har besøkstid mellom kl. 17.00-20.00.
Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.
Alle pasientar og besøkande kan bruke gratis trådlaust internett på dei fleste områda på sjukehuset.
Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.
I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.
Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.
Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.
Apoteket tar også i mot gamle legemiddel til destruksjon.
Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.
Du treng ikkje å sitte utanfor behandlingsrommet å vente. Både vaksne og barn kan vente både ute og inne. I inngangsetasjen er det leikerom, lounge, kafé og fleire opphaldsareal. Det er også eit stort leikerom til venstre for den store trappa i U1.
Ventesonene nær behandlingromma er godt merka. Du vil få SMS om å gå til ventesona når det nærmar seg timen.
Når du skal på besøk eller følgje ein pasient på sjukehuset, må du gjere deg kjent med gjeldande rutinar.
Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet. For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.
Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.
