Førebuing heime
Nokre undersøkingar kan innebere førebuingar som blodprøvetaking, faste, drikke eller tarmtømming. Eksakt informasjon om førebuing til undersøkinga blir sendt til deg ved innkalling eller blir gitt ved avdelinga når timen blir avtalt.
Du skal ikkje spise to timar før ein kontrastundersøking. Dette er for at mage og tarm skal være best mogeleg forberedt for undersøkinga.
Du kan drikke klare væsker i moderate mengder.
Med klare væsker meiner vi:
- vatn
- saft
- juice utan fruktkjøtt
- buljongsuppe
- kaffi og te utan mjølk
- Unngå mjølkeprodukt eller produkt med kolsyre.
Når inntak av kontrast startar kan du ikkje drikke. Dette for å unngå utvatning av kontrasten i tarmsystemet.
CT blir vanlegvis ikkje brukt ved graviditet. Er du gravid må du kontakte tilvisande lege og opplyse om dette i god tid før undersøkinga.
Dersom du har normal nyrefunksjon og bruker tablettar som inneheld metoformin mot diabetes skal du ta desse som normalt før kontrastundersøkinga. Dersom du har hatt opphald i bruk av tablettane må du kontrollerer nyrefunksjonen din to dagar etter undersøkinga før du kan fortsette med tablettane. Dette gjer du hos eigen lege.
Har du sjukdom i skjoldbrukskjertelen, opplys tilvisande lege om dette.
Førebuing på sjukehuset.
Dersom du skal ta CT av mage eller bekken må du i dei fleste tilfelle drikke vatn eller vatn tilsett kontrastvæske før undersøkinga. Du blir spurt om du har diabetes viss det er aktuelt å blande saft i vatnet med kontrasten.
Ved nokre tilfelle skal du ikkje drikke kontrast før undersøkinga. Då treng du ikkje førebu deg heime.
Metallgjenstandar som knappar, glidelås, belte og liknande må takast vekk frå området som skal undersøkast. Dette for å sikre best mogleg kvalitet i bileta.