Storken, Kvinneklinikken

Storken er ei kombinert føde og barselavdeling. Storken er eit tilbod til friske fødande med ukompliserte svangerskap. Under fødselen vil du bli tatt vare på av jordmødrer som støttar deg og har fokus på å fremje den normale fødselsprosessen.

Les meir om Storken, Kvinneklinikken

Storken, Kvinneklinikken

Månedsvis oversikt over jente- og guttefødsler på avdelingen. Foto 

Vår hovudoppgåve er å legge forholda til rette for ein normal fødsel og ein god start for det nyfødde barnet og familien.

Sjå vår informasjonsvideo frå Storken: 

 

Om det blir avdekka behov for meir overvaking eller behandling enn det Storken kan gi under fødselen, blir de flytta over til ei av fødeavdelingene og fulgt vidare opp der. Dei fleste overflyttingane som skjer frå Storken til fødeavdeling er heilt udramatiske.    

Barseltida

Barseltida skjer også på Storken om du har fødd her. Vi har fire fødestover, fem familierom og fem tomannsrom.

Sjå vår informasjonsvideo frå Barsel:  

 

Nokre gongar kan du og barnet ditt få ligge eitt døgn på rom med far til stades, for så å bli flytta over til eit tomannsrom, eller de får tilbod om familierom heile tida. Likevel er det viktig å vite at dersom det er fullt, får dessverre ikkje far overnatte, anna enn på dei romma som utelukkande kan brukast til enkeltrom. Det er til ein kvar tid kapasitet og behov som legg føringar for kor de skal ligge.  

Barn eller kvinner med særskilte behov, får tilbod om barselopphald på barselavdeling ved Kvinneklinikken. Den som følger deg under fødselen må betale for kost og losji under opphaldet på Storken.

Visittid kun for dei næraste

Dei aller første dagane med den nyfødde er det viktig at mor og barn får mest mogleg ro og kvile, for å bli godt kjende med kvarandre og ha nok tid og ro til å komme i gong med bl.a. amminga. Vi ser at kvinnene som har fødd, blir slitne med mange besøkande den korte tida dei er hos oss. Besøk dei første dagane på klinikken og den første tida heim bør avgrensast til dei aller næraste.

Visittida på KK er derfor kun open for partnar til den fødande og eigne barn. (Dersom partnaren din er forhindra eller du er åleine av andre årsaker, står du fritt til å velge ein annan person som står deg nær).

Visittid for fedre/partnar og søsken er kl. 17.00-20.00.

Jordmor i heimen

Alle kvinner busett i Bergen kommune med normalt svangerskap og fødsel, kan reise heim 8-24 timar etter fødsel. Jordmor frå KK kjem heim til mor for oppfølging og rettleiing om amming, barnestell og barseltid.

Les meir om Jordmor i heimen

Det finst lignande jordmortilbod i omliggande kommunar.

Utreisesamtale

Før utreise får du tilbod om samtale med jordmor. Då får du informasjon om oppfølging av deg og barnet ditt etter utreisa frå Storken, samstundes som du får anledning å snakke med jordmor om andre ting om du ønskjer det. Reiser du heim før barnet har tatt Føllingsprøve, må du komme tilbake til Barselpoliklinikken. Informasjon om dette får du ved utreisa frå Storken.

Dukkar det opp spørsmål om, eller problem med amminga etter at du har komme heim, kan du kontakte Ammepoliklinikken.

Kontakt

Oppmøtestad
Storken held til i 3. etasje på Kvinneklinikken (KK). Ved behov, ta kontakt med personalet i ekspedisjonen som kan vise veg til avdelinga. Om du kjem til KK om natta og døra er stengt, ring på klokka til høgre for hovudinngangen.
Telefon
Telefon avdelinga 55 97 43 33 | 55 97 42 46

INNLEGGINGSTELEFON FOR FØDANDE - 55 97 22 00
Ring Innleggingstelefonen for fødande FØR du drar til KK. Når du ringer hit, får du snakke med ei erfaren jordmor og får råd om kva du bør gjere.
Kvinneklinikken
Besøksadresse
Jonas Lies vei 72(Google maps)
5053 Bergen
Telefon
Ekspedisjon 55 97 42 00 | Telefaks 55 97 49 68

Buss

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
​​​​​​Skyss har eit eige linjekart for Haukeland (PDF) der du kan finne ut kva for bussar som går forbi sjukehuset. På nettsidene til Skyss.no finn du bussruter med oversikt over stoppestader og tider.

​Busstoppa rundt Haukeland:

Nord for sjukehuset, sør for Haukeland​, Ibsensgate og Haukelandsveien.

Bybane

​Nærmaste stoppestad til Haukeland er Kronstad bybanestopp. Det tar om lag ti minutt å gå frå stoppen til sjukehuset. Rutetabellar finn du på Skyss.no.

Flybuss

Informasjon om flybussen i jula 2017

​Flybussen mellom Flesland og Haukeland universitetssjukehus går som normalt (sjå tekst under) til og med 22. desember, men er innstilt i jul og romjul. Oppstart etter nyttår blir 2. januar 2018.

Det går flybuss frå Bergen Lufthavn Flesland til Haukeland Hotel/Pasienthotellet kvar time mellom kl. 09.00 og kl. 15.00 alle kvardagar, med avgang fem over kvar heile time. 

Du nyttar vanleg flybuss frå Flesland til Bystasjonen. På Bystasjonen byttar du over til ein minibuss godt merka med flybuss-logo. Denne bussen køyrer deg til Haukeland hotell. 

Frå Haukeland hotell/Pasienthotellet går det minibuss fem over kvar heile time mellom kl. 09.00 og kl. 15.00 for å ta med reisande som skal til flyplassen. Bussen kjører til Bystasjonen, der er det overgang til den ordinære flybussen. Turen frå Haukeland til Flesland tar totalt 45 minutt.

Siste avgang frå Haukeland hotell er klokka 15.05.

Klokka 09.50 og klokka 13.50 startar flybussen ved drosjehaldeplassen i Sentralblokka. Bussen står då ei kort stund på dei reserverte plassane til helsebussane (rett ved drosjehaldeplassen i Sentralblokka) for av- og påstiging før han køyrer vidare til Haukeland hotell for avgang fem over. 

Flybussen har både barnesete, rullestolplass og heis. Om du treng ekstra hjelp til å bytte frå minibussen til flybussen, får du det av sjåføren. 

Parkering Haukeland

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

Praktisk informasjon

Apotek

I foajeen i Sentralblokka på Haukeland finn du eit apotekutsal. Dei gjer klar resepten din medan du ventar.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

Besøkstid

​Gi mor og dei nyfødde barna ro

Dei aller første dagane med den nyfødde er det viktig at mor og barn får mest mogleg ro og kvile, for å bli godt kjende med kvarandre og ha nok tid og ro til å komme i gang med bl.a amminga.

Vi ser at kvinnene som har fødd blir slitne med mange besøkande den korte tida dei er hos oss. Besøk dei første dagane på klinikken og den første tida heim bør avgrensast til dei aller næraste.

Visittida på KK er derfor kun open for partnar til den fødande og eigne barn. (Dersom partnaren din er forhindra eller du er åleine av andre årsaker, står du fritt til å velge ein annan person som står deg nær).

Visittid for fedre/partnar og søsken er kl. 17.00-20.00.

Les meir om besøkstid

Tolk

​Utgreiinga vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Trådlaust internett

​Alle pasientar og besøkande kan bruke gratis trådlaust internett på dei fleste områda på sjukehuset.

​Tilgang til gjestenettet på sjukehuset

  • Koble til nettverket "gjest.ihelse.net".

  • Opne nettlesaren din (Safari, Chrome, Firefox, Internet Explorer, Edge etc.) og du får opp ei påloggingsside.

Ny brukar

  • Du må registrere deg.
  • Skriv inn mobilnummeret du ønsker påloggingsinformasjon sendt til og aksepter vilkåra for bruk av gjestenettet.
  • Du vil motta ein SMS og blir automatisk sendt til påloggingssida. No kan du logge inn med mobilnummeret og skrive inn passordet du har mottatt på SMS.

Tilgangen du får til internett varer i 31 dagar. Etter dette må du registrere deg på ny.  

Om du forlet sjukehusområdet og kjem tilbake innan 31 dagar etter du registrerte deg, kjem du rett inn på gjestenettet utan å registrere deg på ny.

Du kan bruke same pålogginga på anna PC / nettbrett / telefon ved å trykke på lenka «logge inn her» på velkomstsida utan å måtte opprette ekstra konto.

Sikkerheit
Årsaka til at du må logge inn er krav til sikkerheit i sjukehusnettverket. Sjukehuset nyttar same type løysing som finst på flyplassar og hotell. ​

Barseltid

  • Stell og bading av den nyfødde

    Vask barnet med lunka vatn som måler om lag 37 grader. Du kan bruke ein mjuk tynn klut eller berre hendene dine.

  • Fødselsdepresjon

    Å få barn er noko av det største som kan skje i livet. Samstundes er det ikkje uvanleg å kjenne seg nedstemt eller deprimert i samband med ein fødsel.

  • Førebygging av krybbedød

    Krybbedød er når eit tilsynelatande friskt barn dør plutseleg og uventa utan forvarsel. Sjølv etter grundig obduksjon og undersøking av omstende, finn ein ikkje nokon forklaring på kvifor barnet døydde.

  • Oppfølging av barnet etter fødselen

    Alle nyfødde barn får tilbod om å bli undersøkt for 23 sjukdommar, som utan behandling i verste fall kan føre til alvorleg sjukdom hos barnet eller tidleg død.

  • RS-virus og vasskoppar

    Informasjon til foreldre og andre besøkande på Storken, Føde 2 og Barsel ved Kvinneklinikken.

  • Nyfødde barn frå topp til tå

    Som nybakte foreldre er det ofte mange ting ein lurer på. Tida etter fødselen byr på undring og glede, ofte blanda med ei kjensle av usikkerheit og litt uro. De skal lære barnet å kjenne, få kontroll på stell og mating - og korleis familien...


Fann du det du leita etter?
Tilbakemeldinga vil ikkje bli svart på. Ikkje send personleg informasjon, for eksempel e-post, telefonnummer eller personnummer.