Fostermedisin og ultralyd

Seksjon for fostermedisin og ultralyd utfører ultralydundersøking av gravide kvinner og rutineultralyd i svangerskapsveke 17-19, og som ledd i diagnostisering, behandling og oppfølging av kompliserte svangerskap. 

Les meir om Fostermedisin og ultralyd

Fostermedisin og ultralyd

Årsak til utgreiing kan vere bløding, smerte eller sjukdom hos mor. Ved mistanke eller auka risiko for misdanningar eller utviklingsavvik hos fosteret blir prenatal diagnostikk utført. 

Vi tar i mot kvinner som er inneliggande på Kvinneklinikken eller som blir tilvist frå lege eller jordmor.

Tidleg ultralyd og NIPT

Oppstart av tilbod om tidleg ultralyd og NIPT (Non-invasive prenatal test) til alle gravide over 35 år i Noreg er venta å vere på plass i løpet av hausten 2021. Inntil vidare gjeld gamle retningslinjer, det vil seie tilbod om tidleg ultralyd gjeld gravide over 38 år.

Les meir på helsenorge.no: Informasjon om fosterdiagnostikk

Ultralyd ved sjukdom

Vi utfører også ultralydundersøkingar av kvinner ved spørsmål om underlivssjukdom som for eksempel cyster på eggstokkane, muskelknutar i livmora, bekkeninfeksjon, utviklingsavvik i dei indre kjønnsorgan og ved mistanke om ondarta svulstar.

Forskingsprosjekt

Ved seksjonen er det stor forskingsaktivitet og ein del av kvinnene vil derfor bli spurt om å delta i forskingsprosjekt. Forskingstema ved seksjonen har vore fostervekst, fostersirkulasjon, svangerskapslengde, sikkerheit knytt til ultralyd i svangerskapet og behandling av abscessar i bekkenet.

(kan ikkje opnast i nettlesaren Internet Explorer)

Aktuelle lenker

 

Kontaktinformasjon

Buss

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

Sør for Haukeland (line 5 og 6)​, nord for Haukeland (line 12 og 16E), Ibsensgate (arbeidsruter) og Haukelandsveien (line 5,6 og 16E).

Bybane

​Nærmaste stoppestad til Haukeland er Kronstad bybanestopp. Det tar om lag ti minutt å gå frå stoppet til sjukehuset. 

Flybuss


Det går flybuss frå Bergen Lufthavn Flesland til Haukeland Hotel/Pasienthotellet kvar time mellom kl. 09.00 og kl. 15.00 alle kvardagar, med avgang fem over kvar heile time. 

OBS: dette tilbodet finnst ikkje i helger og høgtider. 

Du nyttar vanleg flybuss frå Flesland til Bystasjonen. På Bystasjonen byttar du over til ein minibuss godt merka med flybuss-logo. Denne bussen køyrer deg til Haukeland hotell. 

Frå Haukeland hotell/Pasienthotellet går det minibuss fem over kvar heile time mellom kl. 09.00 og kl. 15.00 for å ta med reisande som skal til flyplassen. Bussen kjører til Bystasjonen, der er det overgang til den ordinære flybussen. Turen frå Haukeland til Flesland tar totalt 45 minutt.

Siste avgang frå Haukeland hotell er klokka 15.05.

Klokka 09.50 og klokka 13.50 startar flybussen ved drosjehaldeplassen i Sentralblokka. Bussen står då ei kort stund på dei reserverte plassane til helsebussane (rett ved drosjehaldeplassen i Sentralblokka) for av- og påstiging før han køyrer vidare til Haukeland hotell for avgang fem over. 

Flybussen har både barnesete, rullestolplass og heis. Om du treng ekstra hjelp til å bytte frå minibussen til flybussen, får du det av sjåføren. 

Parkering Haukeland

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

 

Praktisk informasjon

Sjølvbetent innsjekk og betaling

Fleire og fleire avdelingar på sjukehuset får nå ny digital løysing for korleis du som pasient registrerer deg og betalar. Denne avdelinga har nå tatt i bruk denne nye løysinga. 

Du registrerer at du er komen til sjukehuset enten via tekstmeldinga du får frå oss eller på ein sjølvbeteningsautomat. Om du skal ta blodprøve kan du også registrere dette sjølv i dei avdelingane kor det er utplassert automater. Du kan framleis få hjelp i resepsjonen om du ønskjer det.


Skal du betale etter timen vil du få ei tekstmelding med betalingsinformasjon. Du kan velje å betale med Vipps eller få tilsendt faktura, gebyrfritt/utan ekstra kostnader for deg. Du kan òg betale med kort på ein sjølvbeteningsautomat eller i resepsjonen.

Les meir om innsjekk og betaling​

Tolk

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Trådlaust internett

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.

Fostervatnsprøvehttps://helse-bergen.no/behandlinger/fostervatnsproveFostervatnsprøveF
Graviditet - fosterdiagnostikkhttps://helse-bergen.no/behandlinger/graviditet-fosterdiagnostikkGraviditet - fosterdiagnostikkG
Graviditet - morkakeprøvehttps://helse-bergen.no/behandlinger/graviditet-morkakeproveGraviditet - morkakeprøveG
Tidleg ultralyd med nakketranslusensmalinghttps://helse-bergen.no/behandlinger/tidleg-ultralyd-med-nakketranslusensmalingTidleg ultralyd med nakketranslusensmalingT
Ultralydundersøking i svangerskapethttps://helse-bergen.no/behandlinger/ultralydundersoking-i-svangerskapetUltralydundersøking i svangerskapetU
Vaginal ultralydhttps://helse-bergen.no/behandlinger/vaginal-ultralydVaginal ultralydV

Fann du det du leita etter?