Tilbod ved KOR - Pusterommet under Koronapandemien

I samband med Koronapandemien vil den ordinære drifta ved KOR vere redusert inntil vidare, og i mellomtida vil vi tilby avstandsoppfølging.

​Pasientar ved KOR (Pusterommet), også nytilviste, kan kontakte oss på telefon 55 97 74 77, måndag til fredag, kl. 08.30 - 15.00. Vi tilsette har fordelt oss på å vere fysisk tilstede eller ha heimekontor. Dei som er tilstede vil tidvis vere opptekne med andre oppgåver, og vil ringe deg tilbake så snart dei kan.

Vi arbeider for tida med ulike tilbod for våre pasientar og legg all informasjon ut her på denne nettsida. Her er nokre av tilboda:

Treningsfilmar

Helse- og treningsrådgjevarane på KOR ynskjer å gje deg filmar av ulike treningsprogram som du kan utføre heime under og etter kreftbehandling. Her finn du både styrketrening og kondisjonstrening.

Treningsfilmar

Telefonkonsultasjon

Vi på KOR ynskjer å følgja deg opp så godt vi kan, og tilbyr telefonkonsultasjonar som ein del av rehabiliteringstilbodet. Oversikta du har fått frå oss over dato og tema som skulle vore gjennomført ved KOR utgår, men ein del av dei oppsatte tema kan ein få individuell samtale om. Dette må avtalast på førehand, enten ved at du ring oss eller vi ring deg. Ver merksam på at telefon frå sjukehuset kan komme frå skjult nummer. 

Videokonsultasjon

For å unngå at du må komme til sjukehuset meir enn nøudsynt legg KOR til rette for at vi kan følgja deg opp via videokonsultasjon. Vi vil avtale dette direkte med deg på førehand.

Dersom du har spørsmål om videokonsultasjonen du vert invitert til å delta i vil kontaktinformasjon stå i invitasjonen.
 
Vi anbefalar at du les gjennom informasjon om videokonsultasjon.

Pasientdialog via Helsenorge.no

Dette er ein kommunikasjonsmåte for å tilby en sikker og skriftlig kommunikasjonskanal med deg som pasient eller pårørande med fullmakt på helsenorge.no. For å logge deg på portalløysinga må du ha en sikker ID (f.eks. BankID). 

Sjå meir om dette på Helsenorge.no

Pasient- og pårørandeopplæring (forelesingar som krev passord, kjem)

Fann du det du leita etter?