HELSENORGE
Velg språk

Barne- og ungdomsklinikken, Medisin 3

Avdelinga er ein døgnopen sengepost for barn og ungdom i alderen 0-18 år. Vi jobbar med utgreiing og behandling av barn med sjukdomstilstandar innan følgande fagfelt; endokrinologi og metabolisme, gastroenterologi og ernæring, nefrologi og reumatologi, hematologi og onkologi og nevrologi .

Les meir om Barne- og ungdomsklinikken, Medisin 3

Barne- og ungdomsklinikken, Medisin 3

Kven er vi?

Her arbeidar legar, sjukepleiarar, hjelpepleiarar, barnepleiarar og sekretærar. Under opphaldet vil barn og foreldre møte mange av våre tilsette, men vi prøver å sikre kontinuitet. Vi samarbeidar med andre faggrupper som fysioterapeut, psykolog, ernæringsfysiolog, sosionom og prestetenesta. 

Tilvising

For å kome til oss, må de ha tilvising frå fastlege / spesialist, helsestasjonslege, eller lege ved anna sjukehus/helseinstitusjon. 

Seksjonane våre

Seksjon for endokrinologi og metabolisme 

Ved denne seksjonen blir barn med hormonsjukdommar, diabetes og sjukdommar i stoffskiftet greidd ut og behandla. Seksjonen dekkjer følgande fagområde:

  • Klassisk endokrinologi
  • Diabetes mellitus
  • Medfødte stoffskiftesjukdommar og hypoglykemi
  • Hyperlipidemi (profylaktisk kardiologi)
  • Dysmorfologi
  • Intersex
  • Spiseforstyrringar
  • Overvekt og fedme

 Til seksjonen høyrer også Endokrinologisk / onkologisk poliklinikk.

Seksjon for gastroenterologi og ernæring

Seksjonen greier ut og behandlar barn med sjukdommar i mage- og tarmtraktus, lever- og gallevegar og barn med ernæringsproblem. Seksjonen dekker følgande fagområde: 

  • Ernæringsforstyrringar (ikkje anorexia nervosa) og spiseproblem
  • Parenteral- og sondeernæring
  • Innlegging av PEG og lavprofil gastrosonde
  • Cystisk fibrose
  • Motilitetsforstyrringar
  • Malabsorpsjonstilstandar
  • Matintoleranse
  • Gastroøsofageal refluks
  • Inflammatoriske tarmsjukdommar
  • Obstipasjon, encoprese, medfødde tarmforstyrringar
  • Abdominalsmerter, herunder dyspepsi og H. pylori infeksjon
  • Leversjukdommar
  • Spesialundersøkingar
  • Forskning
     

Seksjon for nefrologi og reumatologi

Ved denne seksjonen blir barn med nyre- og urinvegssjukdommar og barn med reumatologiske lidingar greidd ut og behandla. Seksjonen har ansvar for følgande fagområde:

  • Glomerulonefritt
  • Tubulopati
  • Hereditære og medfødde nyresjukdommar
  • Urinvegsmisdanningar
  • Urinvegsinfeksjon
  • Inkontinens
  • Leddsjukdommar
  • Andre reumatiske sjukdommar 
     

Seksjon for hematologi og onkologi

Ved denne seksjonen blir barn med blod- og kreftsjukdommar greidd ut og behandla. Seksjonen dekkjer følgande fagområde:

  • Kreftsjukdommar 
  • Godarta blodsjukdommar

Seksjon for nevrologi og habilitering

Ved denne seksjonen blir barn med sjukdommar i nervesystemet greidd ut og behandla. Habiliteringstenesta for barn og unge (HABU) er ein del av seksjonen, og tilbyr spesialiserte tenester innan habilitering til barn og ungdom i aldersgruppa 0-18 år.

Kontaktinformasjon

Buss

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Sør for besøkande til Glasblokkene, KK, Augebygget og Haukeland hotell (line 5, 6, 12 og 16E)
  • Haukeland sjukehus Nord for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

Bybane

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Flybuss

 

Parkering for akuttpasientar

​​Pårørande til pasientar som kjem mellom kl. 23.00 og kl. 07.00, køyrer til Marie Joys' hus og tar kontakt med resepsjonen i 1. etasje. For andre gjeld parkering for pasientar / pårørande som for resten av sjukehuset.

Parkering Haukeland

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

 

Praktisk informasjon

Apotek

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor blant anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Besøk på sjukehuset

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Besøkstid

​​Det er inga fast besøkstid på avdelinga. Vi ønskjer ro frå kl. 21.00 og ber besøkande om å respektere dette. Unngå besøk dersom du er forkjøla eller har omgangssjuke.

Gåver og donasjonar

​Behandlinga av pasientar er sjølvsagt fullt statleg fiansiert, men på førespurnad har Barne- og ungdomsklinikken oppretta ein konto for gåver og donasjonar frå privatpersonar, foreiningar, bedrifter og andre.

Pengane vil bli brukt til å gjere sjukehusopphaldet meir triveleg for pasientar og pårørande ved avdelinga, i form av trivselstiltak som for eksempel konsertar, turar, leikar og utstyr til barna.

Les meir om gåver og donasjonar

Måltid og bufféservering

​​Det blir servert fire måltid om dagen frå buffeen ved sengepostane.

  • Frukost kl. 08.00-09.00
  • Lunsj kl. 11.00-12.00
  • Middag kl. 15.00-16.00
  • Kvelds kl. 18.30-19.30

Ein av foreldra får tilbod om å ete i buffeen. I nokre situasjonar vil begge foreldra kunne ete i avdelinga. Personalet vil kunne gi informasjon om dette.

Foreldre med barn på Nyføddintensiv kan bruke buffeen i 3. etasje i Marie Joys' hus.

Overnatting for foreldre / pårørande

​Ein av foreldra blir tilbydd overnatting på Barne- og ungdomsklinikken, enten på rom saman med barnet eller på eige foreldrerom. Personalet ordnar dette den dagen barnet blir lagt inn. 

Barnet har rett til å ha ein omsorgsperson hos seg under heile sjukehusopphaldet, og vi anbefaler at du er hos barnet så mykje du kan. Hugs at barn som er sjuke treng ekstra tryggleik og nærleik til sine næraste. 

Smitteførebygging

​Mange sjuke barn, og særleg dei for tidleg fødde barna, har nedsett immunforsvar og er dermed meir utsett for å få infeksjonar enn friske barn. Av denne grunn er det viktig å førebygge infeksjonar så godt som mogleg gjennom god handhygiene og ryddige rom.

Det er viktig at du gir beskjed dersom barnet ditt har vore i kontakt med andre som har eller har hatt vasskoppar dei siste 3 vekene før innlegginga. 

Sosiale medier

For å beskytte barn og personale er det strenge reglar for fotografering på Barne- og ungdomsklinikken. Dersom du ønskjer å leggje ut bilete der andre personar er med, må du spørje først. Tenk gjennom kva du legg ut på internett og hugs at det blir verande der også når barnet veks opp. 

For meir informasjon og gode råd om sosiale media viser vi til Datatilsynets brosjyre «I beste mening» (pdf), sjå også Barneombodets nettsider

Tolk

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Trådlaust internett

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.

Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. Les meir om kva du kan gjere her

Vask av privat tøy

​Sjukehuset har dessverre ikkje tilbod om vask av privat tøy for pårørande eller inneliggande pasientar.

Dersom du har behov for å vaske tøy under sjukehusopphaldet, må du benytte vaskeri/renseri i byen.

Øyeblikkeleg hjelp-tilvising til BUK (for tilvisere)

​Barn og ungdom t.o.m. 15 år (Innlegging for Diabetes, Epilepsi og IBD går opp til 18 år ved BUK) med mistanke om medisinsk tilstand som treng øyeblikkeleg hjelp, skal tilvisast Barne- og ungdomsklinikken.

Før innlegging er det mogleg å konferere med Pediatrisk bakvakt:
Ring 55975000 og be om å få snakke med bakvakt på Barne- og ungdomsklinikken.

Barn/ungdom som kan køyre i drosje eller privatbil, skal meldast direkte til resepsjonen på BUK:
Ring 55973393

Barn/ungdom som treng ambulanse, skal meldast via AMK.
Ring 113

Dersom lege eller ambulanse ønsker direkte kontakt med nokon i mottaket for å gi oppdateringar undervegs  ring 55971410. 

Arginin/insulin stimulasjonstest - barn og ungehttps://helse-bergen.no/behandlinger/arginininsulin-stimulasjonstest-barn-og-ungeArginin/insulin stimulasjonstest - barn og ungeA
Diabetes hos barnhttps://helse-bergen.no/behandlinger/diabetes-hos-barnDiabetes hos barnD
LHRH-test - barn og ungehttps://helse-bergen.no/behandlinger/lhrh-test-barn-og-ungeLHRH-test - barn og ungeL
Magesmerter- akutte https://helse-bergen.no/behandlinger/magesmerter-akutte-hos-barn-og-ungeMagesmerter- akutte M
Medfødt binyrebarksvikt (CAH)https://helse-bergen.no/behandlinger/medfodt-binyrebarksvikt-cahMedfødt binyrebarksvikt (CAH)M
Synacthen-test - barn og ungehttps://helse-bergen.no/behandlinger/synacthen-test-barn-og-ungeSynacthen-test - barn og ungeS

Fann du det du leita etter?